Autorickshaw Lyrics | অট’ৰিক্সা | Bhupen Hazarika

Autorickshaw Lyrics অট’ৰিক্সা by Bhupen Hazarika, visit AssameseLyrics.com for more Assamese lyrics

Song: Autorickshaw (অট’ৰিক্সা)

Singer: Bhupen Hazarika


Autorickshaw Lyrics, bhupen hazarika songs
Autorickshaw Lyrics

Autorickshaw Lyrics:---

ভায়েক : অট’ৰিক্সা চলাওঁ
আমি দুয়ো ভাই
গুৱাহাটী কৰি গুলজাৰ


ককায়েক : বি‍-ই ফেইল ম‍ই
সৰু ভাই এম এ পাছ
দুয়ো : বেংকত বহুতো ধাৰ
বেংকত বহুতো ধাৰ!
ককায়েক : ভাইটিৰ নামত আছে পাৰ্মিট
চলাওঁ ম‍ইও একোবাৰ।
দুয়ো : শিক্ষিত বেকাৰৰ ম‍ই সৰু ভাব
কমপ্লেক্স নাই আমাৰ।।


ককায়েক : ভাইটিৰ এটি মাথো দোষ আছে
জালুকবাৰী প্ৰিয় তাৰ
মোৰ পৰা কেতিয়াবা
অট’খন কাঢ়ি কয়
দুয়ো : প্ৰিয়া আজি হʼব পেছেঞ্জাৰ

প্ৰিয়া আজি হব পেছেঞ্জাৰ।।


ককায়েক : ম‍ই সুধিলোঁ
তোক বিয়া কৰিব জানো
নহʼলি যে ত‍ই প্ৰফেছাৰ।
সি উত্তৰ দিয়ে
মোৰ প্ৰেয়সীয়ে বুজে, দাদা
দুয়ো : ডিগনিটি অব্ লেবাৰ!!!

ককায়েক : কথা : তহঁতৰ ছাবজেক্ট একে আছিল নেকি অʼ

তোৰ আৰু তোৰ প্ৰেয়সীৰ?

ভায়েক : অৰ্থনীতি দুয়োৰে ছাবজেক্ট
এইবাৰ প্ৰেয়সীৰ ফিফ্‌থ ইয়াৰ
যোৱাবেলি ম‍ই এম এ পাছ কৰি লৈ
লৈছিলোঁ পাৰ্মিট অট’ৰিক্সাৰ।


ককায়েক : ভাল কৰিলি ভাই ভালেই কৰিলি
ভাবী ভাইবোৱাৰীলৈ আশিস অপাৰ।
হাকিম মন্ত্ৰীৰ চাকৰি বিচাৰি ত‍ই
নহʼলি যে ভাগ্যে চিৰবেকাৰ!!

দুয়ো: ব’ল বহু ৰাতি হʼল


ভায়েক : নাই কোনো পেছেঞ্জাৰ
ককায়েক : সেমেকা বতৰটো দেখোঁ বৰ জাৰ
ককায়েক : নাই কোনো পেছেঞ্জাৰ


ককায়েক :- ৰুগীয়া আয়ে চাগে
ৰখি আছে বাঢ়ি লৈ

দাইল ভাত দুয়োৰে আমাৰ
দুয়ো : নাই কোনো পেছেঞ্জাৰ
ককায়েক : ব’ল বহু ৰাতি হʼল
নাই কোনো পেছেঞ্জাৰ

ককায়েক : ঘূৰি ৰিফাইনেৰী আৰু জালুকবাৰী
লাচিত নগৰ আৰু উজান বজাৰ
ভৰলুৰমুখ আৰু নিজৰাৰপাৰ
লাচিত নগৰ আৰু ফাঁচি বজাৰ
দুয়ো : পণ কৰিছোঁ দুয়ো ঘাম পেলাই
পণ কৰিছোঁ দুয়ো ঘাম পেলাই
ওভতাম বেংকৰ বাকীখিনি ধাৰ
ওভতাম বেংকৰ বাকীখিনি ধাৰ।।

অʼটো ৰিক্সা চলাও........।

COMMENTS

LATEST UPDATES$type=blogging$cate=2$count=4

TOP ASSAMESE SONGS$type=blogging$cate=2$count=4

NEEL AKASH$type=two$h=0$meta=0$rm=0$snip=0