Song: Bogi Suwali (বগী ছোৱালী)
Singer: Jyoti Prasad Agarwala
 |
| Bogi Suwali Lyrics |
Bogi Suwali Lyrics:---
বগী ছোৱালী
তই গাঁৱৰ শেৱালি
ৰূপহী তই ফুলৰ চুপহি
ফটা ৰিহা মেখেলাই
তোক নুশুভাই
গালৰ মুখৰ হাড় ওলোৱা
কেবাদিনো জানো তই ভাত খোৱা নাই ?
ঘৰত গৰু নাই
নীলাম কৰা তোৰ পথাৰত
লোকে হাল বায় ৷
কণ্ঠত তোৰ গান থাকোতেও
শিকাব যে তোৰ সুবিধাকেই নাই ৷
পঢ়িবলৈ মন থাকোতেও
পঢ়াওঁতা নাই
দেশজিলিকা গুণ থাকোতেও
ফুল বাছি তই তাঁত ব’বলৈ
সূতা-গুণা নাই ৷
সেই কাৰণেই দাঁত কামুৰি
আকাশলৈ চাৱ
নেদেখা সেই গোসাঁইজনক
কণা বুলি কৱ ৷
আছে যদিও গোসাঁইজনা.... নাই
থকা হ’লে তোৰনো কিয় এনুৱা বিলাই !
দেশ চলোৱা, সমাজ পতাত
আছে কিবা ভুল
সেইহে তই বজাই যাৱ
বিদ্ৰোহী বিকুল ৷৷
